კონფიდენციალურობა

📋 რა მონაცემებს ვაგროვებთ

რეგისტრაციისას: სახელი, ნიკნეიმი, გვარი, ელფოსტა და პაროლი (პაროლი ინახება მხოლოდ დაშიფრული სახით). პორტალში შენ მიერ შევსებული ინფორმაცია: ასაკი, როლი, რუკები, FACEIT/Steam ნიკი, კონფიგი, ატვირთული სქრინშოტები და ვარჯიშის პროგრესი.

🎯 რისთვის ვიყენებთ

• პორტალის მუშაობისთვის: მისიები, XP, ბეთლფასი, გათამაშებები;
• მწვრთნელისთვის, რომ შენი პროგრესი ნახოს და დაგეხმაროს;
• FACEIT-ის საჯარო სტატისტიკის საჩვენებლად (თუ ნიკი მიუთითე);
• ანგარიშის უსაფრთხოებისთვის და პაროლის აღდგენისთვის.

შენს მონაცემებს არ ვყიდით და რეკლამისთვის არ ვიყენებთ.

👀 ვინ ხედავს

შენს პორტალს ხედავ შენ, შენი მწვრთნელი და ადმინისტრატორი. საჯარო ბარათი (/u/ნიკი) ჩანს მხოლოდ მაშინ, თუ თავად ჩართავ. სრული სახელი და ასაკი საჯაროდ დამალულია, სანამ თავად არ გამოაჩენ. გუნდების წერილები ჯერ ჩვენს გუნდთან მოდის და არა პირდაპირ მოთამაშესთან.

🧒 არასრულწლოვნები

18 წლამდე მოთამაშეები პორტალს იყენებენ მშობლის ან მეურვის თანხმობით. გადახდას ახორციელებს მშობელი. მშობელს შეუძლია ნებისმიერ დროს მოითხოვოს მონაცემების ნახვა ან წაშლა.

🍪 Cookie და ბრაუზერის მეხსიერება

ვიყენებთ მხოლოდ აუცილებელ cookie-ს (სესიისთვის) და ბრაუზერის მეხსიერებას პარამეტრებისთვის (ენა, ხმა). სარეკლამო ან მესამე მხარის tracking cookie არ გვაქვს.

🗑️ შენი უფლებები

შეგიძლია მოითხოვო შენი მონაცემების ასლი, შესწორება ან ანგარიშის სრული წაშლა — მოგვწერე Discord-ზე ან ელფოსტით. სქრინშოტები ავტომატურად იშლება 60 დღეში.